གསེར་སྦྲང་གཤོག་ཙམ་སྲབ་པར་བརྡུང་ལ། དེ་ནས་གཏུན་འཇམ་པོར་ལབ་ལེབ་མེད་པར་བྲུད་པའི་གསེར་གྲངས་བརྡུལ་ལྟར་བྱས་ཏེ་དེ་ལ་གསེར་དེ་ཉིད་བཞི་འགྱུར་གྱི་ཚ་ལ་མུ་ཟི་སེར་པོ་ཏིལ་ནག་པོ་ཟར་མའི་འབྲས་བུ་རྣམས་རང་རང་ཆ་མཉམ་བྱས་པའི་བྱེ་མ་དང་བསྲེག་ལ་རིལ་བུ་ལུག་གི་རིལ་མ་ཙམ་བྱས་ལ་གོང་བུ་མེ་ཐུབ་ཏུ་བླུག་ལ་ཁ་ལ་དུད་པ་མ་ཚོར་བར་བྱས་ཏེ་སོལ་མེ་ལ་སྦུད་པ་ཧ་ཅང་དྲག་པ་མིན་པའི་ཕྱོགས་མེད་དུ་བསྲེགས་པའམ། ལྕི་བ་སེར་ཁ་མའི་མེ་ལ་བསྲེགས་ཀྱང་ལེགས་པ་ཡོངས་འདུག་པས་མུ་ཟིའི་དྲི་བསང་གི་བར་དུ་བསྲེགས་པས་འགྲུབ་པ།