ཚ་བའི་གླང་ཐབས་ནི་ཟས་སྤྱོད་ཚ་བའི་རྐྱེན་གྱིས་བསླང་ཤིང་ངོ་བོ་མཆིན་མཆེར་གཉིས་ཀྱི་ཁྲག་འཁྱགས་པ་དང་། ཁྲག་དང་མཁྲིས་པ་ཕོ་ལོང་དུ་ལྷུང་བ་ལས་གྱུར་པ།

སྐད་འགགས་ནི་གྱེན་རྒྱུའི་རླུང་དང་བད་ཀན་རྟེན་བྱེད་ཀྱི་རྒྱུ་བ་ཉམས་པས་གྲེ་བར་ནད་ཕོག་སྟེ་སྐད་འགགས་པ་ལ་ཟེར།

འབྲུམ་པ་ཅན་གྱི་ནད་ཅེས་པ་ནི་ཆགས་སྤྱོད་ལས་འགོས་ཁྱབ་བྱུང་བར་ཕོ་མོའི་མཚན་མ་དང་། གཞང་ཁ་སོགས་སུ་འབྲུམ་པ་མང་པོ་ཡུངས་དཀར་འདྲ་ཁྱབ་པའི་ནད་ཅིག

རེག་དུག་གི་ནད་ཟེར་བ་དེ་ནི་འབྱར་འགོས་བྱུང་ནས་ཕོ་མོའི་མཚན་མའི་རྒྱུད་དུ་ཤ་འབུར་སྨུག་ནག་ཕྲེང་རྡོག་ཅན་དོན་པ་དང་། མཐར་གསུས་པ་བྲང་ཁོག་སོགས་ཀྱི་རྒྱུད་དུའང་འབུར་ཐོར་ལེབ་མོ་དོན་པ་དང་། རྨ་རུལ་ཆགས་པ་སོགས་ཀྱིས་ཡུན་རིང་མནར་བའི་ནད་ཅིག་རེད།