ཟླ3པའི་ཚེས21ཉིན། མཚོ་སྔོན་ཞིང་ཆེན་ཀྲུང་བོད་གསོ་རིག་འཕེལ་རྒྱས་ཚོགས་ཆེན་ཟི་ལིང་དུ་བསྡུས། མཚོ་སྔོན་ཞིང་ཆེན་ཏང་ཨུའི་ཧྲུའུ་ཅིའམ་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཝང་ཅན་ཅོན་གྱིས་བྱ་བའི་བླང་བྱ་བཏོན། མཚོ་སྔོན་ཞིང་ཆེན་ཏང་ཨུའི་ཧྲུའུ་ཅི་གཞོན་པའམ་ཧྲིན་ཀྲང་ལིག་ཉིན་དང་། རྒྱལ་ཁབ་ཀྲུང་ལུགས་གསོ་རིག་སྨན་རྫས་དོ་དམ་ཅུའུ་ཡི་ཅུའུ་ཀྲང་ཡུས་བེན་མེན་ཚོགས་འདུར་ཞུགས་པ་མ་ཟད་གཏམ་བཤད། ཞིང་ཆེན་ཏང་ཨུའི་རྒྱུན་ཨུའམ་ཧྲིན་ཀྲང་གཞོན་པ་ཝང་ཡུས་པའོ་ཡིས་གྲོས་ཚོགས་ལ་འགོ་འཛིན་མཛད།

ཝང་ཅན་ཅོན་གྱིས་ཚོགས་ཆེན་བསྡུས་པར་རྟེན་འབྲེལ་ཞུས་པ་དང་། ཞིང་ཆེན་ཡོངས་ཀྱི་ཀྲུང་བོད་གསོ་རིག་གི་ལས་བཟོ་བར་འཚམ་འདྲི་གནང་། ཁོང་གིས་བསྟན་དོན། ཏང་གི་ཚོགས་ཆེན་བཅུ་དགུ་བའི་སྟེང་ཀྲུང་བོད་གསོ་རིག་འཕེལ་རྒྱས་ཐད་ཁ་ཕྱོགས་གསལ་བོར་བསྟན་ཡོད་པ་དང་། ཞི་ཅིན་ཕེན་གྱི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་དུ་བཟུང་ནས། ཀྲུང་ལུགས་གསོ་རིག་བཅའ་ཁྲིམས་དང་ཀྲུང་ལུགས་གསོ་རིག་སྨན་རྫས་འཕེལ་རྒྱས་ཀྱི་འཐབ་ཇུས་འཆར་འགོད་རྩ་གནད་ལག་བསྟར་གཏིང་ཟབ་བྱས་ཏེ། ཀྲུང་ལུགས་གསོ་རིག་གི་རྨང་གཞིའི་སྟེང་བོད་ལུགས་གསོ་རིག་གི་ཁྱད་ཆོས་སྔོག་འདོན་དང་། སྨན་རྫས་ཐོན་ལས་འཕེལ་རྒྱས་སུ་བཏང་ནས། ཀྲུང་བོད་གསོ་རིག་ལ་ཚན་རིག་དང་མཐུན་པའི་རྣམ་འགྱུར་དང་ལྟ་སྟངས་འཛིན་པ་དང་། སྐྱེ་ཁམས་ཀྱི་འདུ་ཤེས་བཟུང་ནས་སྐྱེད་སྲིང་དང་། དགོས་མཁོར་དམིགས་ནས་སྣེ་ཁྲིད་བྱེད་པ། དྲ་སྦྲེལ་བསམ་ཕྱོགས་ལ་བརྟེན་ནས་འཕེལ་རྒྱས་སུ་གཏོང་བ། སྤུས་རྟགས་ཀྱི་འདུ་ཤེས་ཇེ་མཐོར་གཏོང་བ་བཅས་བྱས་ཏེ། བདེ་ཐང་གི་མཚོ་སྔོན་དང་བདེ་ཐང་གི་ཀྲུང་གོར་བྱས་རྗེས་འཇོག་
དགོས།