ཉེ་ཆར་མ་དངུལ་སྒོར་ཁྲི་2500བཏང་བའི་ལྷ་ས་གྲོང་ཁྱེར་ལྷུན་གྲུབ་རྫོང་བོད་སྨན་སྔོ་སྨན་འདེབས་འཛུགས་རྣམ་གྲངས་དངོས་སུ་ལས་འགོ་ཚུགས་པ་དང་རྣམ་གྲངས་དེ་ལྷུན་གྲུབ་རྫོང་ས་གཙང་ཐོན་ལས་མ་འཇོག་གསར་སྤེལ་ཚད་ཡོད་ཀུང་སི་དང་བོད་ལྗོངས་སི་ལོ་ལན་ཏེ་དངོས་ལས་ཚད་ཡོད་ཀུང་སིས་མཉམ་འབྲེལ་ཐོག་ལག་ལེན་བསྟར་ནས་ལྷུན་གྲུབ་རྫོང་ཁོངས་སུ་བོད་སྨན་སྔོ་སྨན་མུའུ་1000འདེབས་འཛུགས་བྱ་རྒྱུ་ཡིན་པ་དེས་ས་གནས་དེ་གའི་འདེབས་འཛུགས་ལག་རྩལ་མི་སྣ་གསོ་སྐྱོང་བྱ་རྒྱུར་རམ་འདེགས་ཐུབ་པ་མ་ཟད།ད་དུང་ཡིག་ཚགས་དང་བྱང་བུ་ཟོས་པའི་དུད་ཚང་དབུལ་པོ་300ལྷག་ཙམ་ལས་ཞུགས་ཐུབ་རྒྱུར་སྐུལ་ཁྲིད་ཐུབ་རྒྱུ་རེད། 


ལག་རྩལ་མི་སྣའི་མཛུབ་ཁྲིད་འོག་ས་གནས་དེ་གའི་ཞིང་པས་སྔོ་སྨན་འདེབས་འཛུགས་བྱེད་པ།     གསར་འགོད་པ་སྐལ་བཟང་ལྷུན་གྲུབ་ཀྱིས་པར་བླངས།